啫啫通菜煲

啫啫通菜平時出街都成日食，不過出街食味精多，自己煮就健康得多，味道又差唔多。

材料：

蝦乾／蝦米－－－＞隨意

蒜－－－－－－－＞2粒

子天椒－－－－－＞1條

通菜－－－－－－＞1斤

蝦膏－－－－－－＞隨意

薑－－－－－－－＞1片

海鹽－－－－－－＞半茶匙

首先蝦米要浸一浸水，係水中加片薑，同埋準備蝦膏（記得係蝦膏中加少少熱水，令蝦膏溶化）

之後準備落鑊，要大火炒，一開始油溫唔高的時候就要落蒜粒及蝦乾略炒 （如有蔥頭，可以落埋，會更加香）

當炒到嗅到香味就可以落通菜，炒至通菜縮水後，可以落蝦膏及子天椒。（亮得依個菜，唔好落任何水去炒）

同一時間可以用火去燒熱個煲。唔需要落油架

最後放炒好的通菜入預熱好的煲就攪掂啦。 食到最後一條菜都仲係好熱架！