蝦膏肉碎炒飯

打開雪櫃，發現得返碗白飯，IKEA肉丸，雞蛋，Parsley 同埋來自大澳的蝦膏，咁就只好用黎炒飯。講起炒飯對我黎講係一種回憶，因為我曾經用左幾年時間去學點樣炒一個飯。今日就同大家分享下啦。

材料：

白飯－－－－＞ 1碗

雞蛋－－－－＞ 1隻

IKEA肉丸－－＞ 4粒

蝦膏－－－－＞ 隨意

Parsley－－－＞3棵

首先蝦膏切碎再加少少熱水溶化，肉丸切碎，白飯用雙手打散（好多人都唔做依個動作，一下子就把一舊飯放入鑊中不停炒，但係其實永遠都唔會炒到D飯一粒粒，只會炒到一舊舊）所以一定要用雙手！

當準備好就開大火落油，記得係炒的過程一定要用大火，另外建議用湯殻來炒飯，因為用半圓的底部係好易把一舊舊的飯壓散）

炒飯一定要油熱到出煙先好落蛋 （如果要做到每粒飯都俾雞蛋包住就先落油，飯，炒到飯熱再落蛋）

落完蛋就快快推開，再落飯，用湯殻底好似圖中咁壓開D飯同埋炒）當然要不停拋下鑊，如果唔係會燶架

炒到飯熱就可以落肉碎

之後再落蝦膏

最後落Parsley碎，如果有蔥就落蔥，因為我個雪櫃得返Parsley所以只好就地取材

話咁快就炒完啦。只要跟住這個方法炒就會炒到乾身的炒飯，仲一定唔會癡鑊。